1987ء میں دل دل پاکستان سے شہرت حاصل کرنےوالے گلوکار، نعت خواں اور مبلغ جنید جمشید 7 دسمبر 2016ء کو ایک دل خراش فضائی حادثے میں اپنے خالق حقیقی سے جا ملے. وہ اہلیہ کے ہم راہ چترال سے وفاقی دار الحکومت اسلام آباد آ رہے تھے کہ ان کا جہاز کریش ہو گیا۔
جنید جمشید 3 ستمبر 1964 ء کو کراچی میں پیدا ہوئے تهے ۔جنید کے والد پاک فضائیہ میں اعلیٰ عہدے پر فائز تھے۔ وہ بھی فضائیہ میں جا نا چاہتے تھے۔ بعد ازاں انجینئیرنگ کی تعلیم کے دوران وائیٹل سائنز گروپ میں بطور لیڈنگ سنگر شوقیہ گاناشروع کیا ۔
یہ بھی پڑھئے:
چھ دسمبر: پاکستان کے واحد فلسفی قوال عزیز میاں کی آج برسی ہے
منڈی بہاؤالدین کے کنزیومر کمشنر کی درگت اور ڈپٹی کمشنر کی گرفتاری کا حکم
پہلے ہی قومی نغمے دل دل پاکستان نے ان کےگروپ کو شہرت کی بلندیوں تک پہنچا دیا۔ یہ نغمہ انھوں نے انیس سو ستاسی میں گایا۔ پاپ میوزک کے دور میں ان کے کئی البم ریلیز ہوئے۔ ان میں وائٹل سائنز ون، وائٹل سائنز ٹو،اعتبار، ہم تم، تمھارا اور میرا نام، اس راہ پر، دی بیسٹ آف جنید جمشید اور دل کی بات شامل تھے۔
پندرہ سال تک پاپ میوزک میں کامیابیوں اور دنیا کے مختلف ممالک میں پرفارم کیا۔ اس کے بعد جنید جمشید چکا چوند کی دنیا سے مزہب کی جانب راغب ہوئ۔ مذہبی تعلیمات نے ان کی کایا پلٹ دی۔ فن کی بلندیوں پر جنید جمشید کا مذہب کی جانب راغب ہونا دنیا بھر کے مسلم حلقوں میں احترام کی نگاہ سے دیکھا گیا۔
پاکستان کے مایہ ناز کرکٹرز کی کایا پلٹ بھی کم و بیش ان کے ساتھ ہوئی۔ ان میںسعید انور،مشتاق احمد ،انضمام الحق، ثقلین مشتاق اور شاہد آفریدی شامل تھے۔
ان کا پہلا نعتیہ البم دوہزار پانچ میں جلو ہ جاناں کے نام سے منظر عام پر آیا ۔ اس کے بعد جنید جمشید کے جو نعتیہ البم ریلیز ہو ئے ان میں محبوب یزداں ، بدرالدجیٰ، یاد حرم، ہادی الانام، رب زدنی علما اور نور الہدیٰ کے نام سر فہرست تهے ۔
