مریم نواز کی سیاست میں ایک اور دھواں دھار انٹری، لاہور نیب کی پیشی پر بلوہ، کیا ن لیگ کارکنان کو سڑکوں پر لا سکے گی؟ شہباز شریف کہاں غائب ہیں؟ کیا مریم نواز کی پشت پر نواز شریف موجود ہیں؟ کالی گاڑی میں پتھروں کا ذخیرہ کیوں؟ پنجاب کی سیاست کیا رنگ دکھائیگی۔
بی بی سی اردو کے مطابق قومی احتساب بیورو (نیب) کے دفتر کے باہر منگل کو ہونے والی ہنگامہ آرائی کے بعد مسلم لیگ نواز کی رہنما مریم نواز شریف نے الزام لگایا ہے کہ ان کی گاڑی پر پتھراؤ کرنے والے پولیس کی وردی میں تھے اور اگر وہ بلٹ پروف گاڑی میں نہ ہوتیں تو نہ جانے کتنا نقصان پہنچتا۔
مریم نواز کو منگل کو نیب لاہور نے رائیونڈ اراضی کیس کے حوالے سے پیشی کے لیے بلایا تھا تاہم ان کے وہاں پہنچنے سے قبل ن لیگ کے کارکنوں اور پولیس اہلکاروں کے درمیان تصادم ہوا جس کے دوران پتھر بھی برسائے گئے اور پولیس کی جانب سے آنسو گیس کی شیلنگ اور لاٹھی چارج بھی کیا گیا۔
اگرچہ نیب نے ہنگامہ آرائی کے بعد مریم نواز کی پیشی مؤخر کر دی تھی البتہ وہ تصادم کے بعد بھی کافی دیر نیب کے دفتر کے باہر موجود رہیں۔ ان کا مؤقف تھا کہ اگر انھیں بلایا گیا ہے تو سنا بھی جائے۔
دوسری جانب پنجاب کے وزیر قانون راجہ بشارت نے دعویٰ کیا ہے کہ نیب کے دفتر اور پولیس پر نواز لیگ کے کارکنوں کی جانب سے پتھراؤ کیا گیا اور جعلی نمبر پلیٹ والی گاڑیوں میں پتھر لائے گئے۔
ان کا کہنا تھا کہ چار پولیس اہلکار واقعے میں زخمی ہوئے ہیں اور بتایا کہ انھیں نقصان پہنچانے والوں کے خلاف سخت کارروائی ہوگی۔ ساتھ ہی وزیر اعلیٰ پنجاب نے بھی واقعے کا نوٹس لے لیا ہے اور چیف سیکریٹری پنجاب اور انسپیکٹر جنرل پولیس سے رپورٹ طلب کرتے ہوئے ذمہ داروں کے خلاف قانون کے مطابق کارروائی کا حکم دیا ہے۔
اس صورت حال پر معصوم رضوی یو ٹیوب چینل کی یہ رپورٹ دیکھئے جس میں کئی اہم سوالات اٹھائے گئے ہیں:
