ممتاز شاعر اور صحافی کرار نوری کی برسی آج ہے | عقیل عباس جعفری

8 اگست 1990ء اردو کے ممتاز شاعر،ادیب، مترجم اور صحافی کرار نوری وفات پا گئے۔ کرار نوری کااصل نام سید کرار میرزا تھا۔ وہ غالب کے شاگرد آگاہ دہلوی کے پڑپوتے تھے اور 30 جون 1916ء کوپیدا ہوئے۔ قیام پاکستان کے بعد پہلے انھوں نے راولپنڈی اور پھر کراچی میں اقامت اختیار کی جہاں وہ ریڈیو پاکستان سے وابستہ رہے۔ کرار نوری کی غزلوں کا مجموعہ میری غزل کے نام سےاور نعتوں کا مجموعہ میزان حق کے عنوان سے شائع ہوا تھا۔وہ کراچی میں عزیز آباد کے قبرستان میں آسودہ خاک ہیں،