بائیں بازو کے راہنما پروفیسر جمال نقوی کا آج یوم وفات ہے | عقیل عباس جعفری

پاکستان میں کمیونسٹ تحریک کے مرکزی کردار پروفیسر جمال نقوی 3 اگست 2017ء کو کراچی میں انتقال کر گئے۔
جمال الدین نقوی 1932ء میں الہ آباد میں پیدا ہوئے تھے۔ قیام پاکستان کے بعد وہ پاکستان آ گئے جہاں وہ بائیں بازو کے طلبہ سیاست سے وابستہ ہوئے۔ وہ جنوری 1953ء میں چلنے والی پہلی طلبہ تحریک کے اہم کردار تھے۔ تعلیم سے فراغت کے بعد وہ کمیونسٹ پارٹی آف پاکستان سے وابستہ ہوئے۔ اپنے سیاسی نظریات سے وابستگی کی وجہ سے انھیں قید و بند کی صعوبتیں بھی برداشت کرنا ہڑیں۔ انتقال سے چند پرس پہلے انھوں نے سیاست سے کنارہ کشی اختیار کی اورLeving The left Behind کے عنوان سے اپنی خود نوشت تحریر کی جس میں انھوں نے اپنے سیاسی نظریات سے برآت کا اعلان کیا تھا۔ ان کے اس اعتراف پر بڑی تنقید بھی ہوئی لیکن بائیں بازو کے نظریات کے لیے ان کی جدوجہد کا اعتراف ہر کوئی کرتا ہے۔