تلخیص پارہ 28
زیرِ بحث خاص مضامین
*. اللہ اور رسولؐ کے مخالف ذلیل و رسوا ہوں گے۔
* منافقین کے طرزِ عمل کی نشاندہی ۔
*. مجلسوں میں کشادگی اختیار کرنے کا حکم ۔
*. رسولؐ کے حکم آگے سرِ تسلیم خم کرنے کا حکم
* شیطان کی مکارانہ چالوں کی نشاندہی ۔
* قرآن کی عظمت
* قیامت کے دن کوئی رشہ داری کام نہ آئے گی۔
* کفار و مشرکین سے دوستی کی ممانعت ۔
* رسول اللہؐ کے دستِ مبارک پر بیعت ! شرک , چوری ، زنا نہ کرنے کا عہد
*. کفار و منافقین سے جہاد کا حکم ۔
_________
1 . جو لوگ اللہ اور رسولؐ کی مخالفت کرتے ہیں وہ اسی طرح ذلیل و خوار کر دئیے جائیں گے ۔ جس طرح ان سے پہلے کے لوگ ذلیل و خوار کیئے جا چکے ہیں ۔
2 . کیا تم کو خبر نہیں ہے کہ زمین اور آسمانوں کی ہر چیز کا اللہ کو علم ہے۔
3 . اے لوگوں جو ایمان لائے ہو جب تم آپس میں پوشیدہ بات کرو تو گناہ اور زیادتی اور رسولؐ کی نافرمانی کی باتیں نہیں بلکہ نیکی اور تقویٰ کی باتیں کرو۔
4 . اے لوگو جو ایمان لائے ہو جب تم سے کہا جائے کہ اپنی مجلسوں میں کشادگی پیدا کرو تو جگہ کشادہ کر دیا کرو۔ اللہ تمہیں کشادگی بخشے گا۔
5 . تم۔لوگ کبھی یہ نہ پاو گے کہ جو لوگ اور اور آخرت پر ایمان رکھنے والے ہیں ۔وہ ان لوگوں سے محبت کرتے ہوں جنہوں نے اللہ اور رسول کی مخالفت کی ہے۔
6 . اللہ ہی کی تسبیح کی ہے ہر اس چیز نے جو آسمانوں اور زمین میں ہے اور وہی غالب اور حکیم ہے۔
7 . جو کچھ رسولؐ تمہیں دے وہ لے لو اور جس چیز سے وہ تم کو روک دے اس سے رک جاو۔
8 . اے۔لوگو جو ایمان لائے ہو اللہ سے ڈرتے رہو اور ہر شخص دیکھے کہ اس نے کل کے لیئے کیا سامان کیا ہے۔ اللہ سے ڈرتے رہو یقیناً وہ تمہارے ان اعمال سے باخبر ہے جو تم کرتے ہو۔
9 . اگر ہم نے یہ قرآن کسی پہاڑ پر اتار دیا ہوتا تو تم دیکھتے کہ وہ اللہ کے خوف دے دبا جا رہا ہے۔ اور پھٹا جا رہا ہے۔
10 ..قیامت کے دن تمہاری رشہ داریاں کسی کام نہ آیئں گی۔ نہ تمہاری اولاد۔
11 . انہی لوگوں کے طرزِعمل میں تمہارے لیئے نمونہ ہے ہر اس شخص کے لیئے جو اللہ اور روزِ آخر کا امیدوار ہے
12 . اے نبیؐ جب تمہارے پاس مومن۔عورتیں بیعت کرنے کے لییے آیئں اور اس بات کا عہد کریں کہ وہ اللہ کے ساتھ کسی چیز کو شریک نہ کریں گی چوری نہ کریں گی زنا نہ۔کریں گی ۔ اپنی اولاد کع قتل نہ کریں گی۔ اپ۔ے ہاتھ پاوں کے آگے کوئی بہتان گھڑ کر نہ۔لائیں گی۔
13 . اے لوگو جو ایمان لائے ہو تم کیوں وہ بات کرتے ہو جو کرتے نہیں ۔اللہ کے نزدیک یہ سخت نا پسندیدہ حرکت ہے ۔
14. یہ لوگ اپنے منہ کی پھونکوں سے اللہ کے نور کو بجھانا چاہتے ہو۔ اور اللہ کا فیصلہ ہے کہ وہ اپنے نور کو پورا پھیلا کر رہے گا۔خواہ کافروں کو کتنا ناگوار ہو۔
15 . وہی ہے جس نے امیوں کے اندر ایک رسولؐ خود انہی میں سے اٹھایا جو انہیں اس کی آیات سناتا ہے۔ ان کی زندگی سنوراتا ہے۔ اور ان کو کتاب وحکمت کی تعلیم دیتا ہے۔
16 . ان سے کہو جس موت سے بھاگتے ہو وہ تو تمہیں آ کر رہے گی۔
17 . اے لوگو جو ایمان لائے ہو جب پکارا جائے نماز کے لیئے جمعہ کے دن تو اللہ کے ذکر کی طرف دوڑو۔ اور خرید و فروخت چھوڑ دو۔ یہ تمہارے لیئے زیادہ بہتر ہے ۔
18. کوئی مصیبت کبھی نہیں آتی۔مگر اللہ کے اذن۔سے ہی آتی ہے۔ جو شخص اللہ پر ایمان رکھتا ہے اللہ اس کے دل کو ہدایت بخشتا ہے۔ اللہ کوطہر چیز کا علم ہے۔
19 . اگر تم۔اللہ کو قرضِ حسن دو تو وہ تمہیں کئی گنا بڑھا کر دے گا۔ اور تمہارے قصوروں سے درگزر فرمائے گا۔
اے۔لوگو جو ایمان لائے ہو اللہ سے توبہ کرو خالص توبہ بعید نہیں کہ اللہ تمہاری برائیاں دور کر دے۔
20 . اے نبیؐ کفار اور منافقین سے جہاد کرو اور ان سے سختی سے پیش آو۔ اُن کا ٹھکانہ جہنم ہے۔ اور وہ بہت برا ٹھکانا ہے۔
