پروفیسر ڈاکٹر نبی بخش جمانی نے بطور نائب صدر (انتظامی ، مالیاتی امور) بین الاقوامی اسلامی یونیورسٹی ذمہ داریاں سنبھال لیں ۔ ڈاکٹر جمانی نے جمعرات کے روز بطور قائمقام نائب صدر اپنی ذمہ داریاں سنبھالیں۔ ڈاکٹر جمانی کا شمار ان چند ماہرین میں ہوتا ہے جنہوں نے کامیابی سے آن لائن اور فاصلاتی پروگراموں کا قیام عمل میں لایا ہے۔ ڈاکٹر نبی بخش جمانی جامعہ کے شعبہ فاصلاتی تعلیم میں بطور ڈائریکٹر کام کر رہے ہیں اور تحقیق و انتظامی امور سمیت تدریس کا وسیع تجربہ رکھتے ہیں۔ وہ اس سے قبل جامعہ میں قائمقام صدر جامعہ اور ڈین کے طور پر بھی خدمات سر انجام دے چکے ہیں۔ ان کی دلچسپی کے شعبہ جات میں نصاب کی تشکیل، اساتذہ کی تعلیم و تربیت فاصلاتی تعلیم و تحقیق شامل ہیں۔ وہ شعبہ ایجوکیشن میں پی ایچ ڈی ڈگری کے علاوہ پبلک ایڈمنسٹریشن میں پوسٹ گریجویٹ ڈپلومہ بھی حاصل کر چکے ہیں۔
