مائی مکلی نے اچانک پھر بلالیا ۔۔۔۔۔۔۔۔۔۔۔۔۔
ابھی تو وہاں جانے کی وجہ پوری لکھی بھی نہیں تھی ۔۔۔۔۔ بے سکون ہو گیا ،بے چین ہو گیا ۔۔۔۔۔۔ جانا پڑگیا ۔۔۔۔
راستے بند تھے ،پولیس رینجرز ، جانے نہیں دے رہے تھے ۔۔۔۔۔ سڑکیں بند تھیں ۔۔۔۔ ناکے لگے ہوئے تھے ۔۔۔۔۔ مگر جانا پڑگیا ۔۔۔۔۔ کسی نہ کسی طرح پہنچ ہی گئے ۔
مکلی کے اس ویران اور بے ۤآباد قبرستان میں جہاں لاک ڈاون کے سبب اندر جانے کے تمام راستے بند ہیں ۔
عبد اللہ شاہ اصحابی کے مزار کے دونوں دروازوں پر تالے پڑے ہین ۔
پورے مکلی میں بندہ نہ بندے کی ذات ۔۔۔۔
ہر طرف ہو کا عالم ۔۔۔۔۔۔
ویرانہ ۔۔۔
سناٹا ۔۔۔۔۔
مگر کسی نہ کسی طرح ہم اس سناٹے میں مائی مکلی کے مرقد پہ پہنچے تو ظہر کا وقت تھا ۔۔۔۔۔۔۔۔۔
جانے کہاں سے اچانک تین افراد نکل کر آئے ۔۔۔۔۔۔
اور مائی مکلی کے مزار کے صحن میں ،قبر کے عین سامنے ، مائی مکلی کی طرف پیٹھ کر کے جماعت کھڑی کر دی ۔۔۔۔
نماز کے بعد وہ جہاں سے آئے تھے چلے گئے ۔۔۔۔
واپسی پر ایک بوڑھی عورت قبروں کے درمیان لکڑیاں جمع کر رہی تھی ۔
اس کو سو روپے دیے ۔۔۔۔۔ اور پوچھا کہ اتنا سناٹا ہے ۔۔۔۔۔
شہر خموشاں ۔۔۔۔۔۔۔۔ دراصل خموش ہے
کوئی دکھائی نہیں دیتا ۔۔۔۔۔ مگر مائی مکلی کی قبر پر نماز ہورہی ہے ۔
بوڑھی نے ہنس کر کہا ۔۔۔۔۔
” مسجدیں بند ہو گئین ۔۔۔۔۔۔۔۔۔ مائی مکلی کے صحن کی نماز نہیں رُکی ۔۔۔۔۔ لوگ آجاتے ہیں اور نماز پڑھ کے جاتے ہیں ۔۔۔۔۔۔۔۔۔۔۔۔”
ایک عورت کا مزار ۔۔۔۔۔ اور ایسی سعادت ۔۔۔۔۔۔۔۔
اتنا بڑا اور وسیع ععریض قبرستان ۔۔۔۔ مگر نماز صرف ایک قبر کے صحن میں ہو تی ہے ۔۔۔۔ اور پانچ وقت ہو تی ہے ۔۔۔۔۔
جانے کون لوگ ہیں جو اچانک اِدھر اُدھر سے نکل آتے ہیں ۔
وہ کوئی مسجد نہیں ہے ۔۔۔۔۔۔۔۔۔۔ مگر قبر کے سامنے کا چھوٹا سا صحن نماز کے وقت مسجد بن جاتا ہے ۔۔۔۔۔۔۔۔۔۔۔
اور نماز بھی ایسے ہو تی ہے کہ سب کی پشت قبر کی طرف اور منھ کعبے کی طرف ہو جاتا ہے ۔۔۔۔۔۔۔۔۔۔۔
میں نے زندگی میں ایسی پر اسراریت اور سکون ۔۔۔۔۔۔۔۔۔۔۔۔۔ کبھی کسی قبر پر محسوس نہیں کیا ۔۔۔۔۔۔۔۔۔
میں مزاروں پہ جاتا ہی نہیں ۔۔۔۔۔۔۔۔۔۔ نہ مزاروں کو مانتا ہوں ۔
مگر مائی مکلی ۔۔۔۔ منوابھی لیتی ہے ،بلوا بھی لیتی ہے ۔۔۔۔۔ مائی مکلی ایک پر اسرار ہستی ہے ۔۔۔۔۔۔۔۔۔۔۔ اس کے اسرار ہی نہیں کھل رہے مجھ پہ ۔۔۔۔۔۔۔۔۔۔ بس جکڑ لیا ہے مجھے جیسے مائی مکلی نے ۔۔۔۔۔۔۔۔۔۔۔
وہاں جوکچھ محسوس کیا ، وہ اتنا عجیب ہے ،ایسا روحانی ہے کہ بیان کرنا ممکن ہی نہیں ۔۔۔۔۔۔۔۔۔۔۔۔۔
