جماعت ا سلامی پاکستان کے نائب امیر اور مجلس قائمہ برائے سیاسی قومی امور کے صدر لیاقت بلوچ نے جمعیت علمائے اسلام پاکستان کے امیر مولانا فضل الرحمن سے ملاقات کی ہے۔ دونوں قومی راہنماؤں کے درمیان یہ ملاقات مولانا فجل الرحمٰن کی اسلام آباد میں ان کی رہائش گاہ پر ملاقات کی۔ ملاقات میں دونوں راہنماؤں نے ملک کی موجودی سیاسی صورت حال پر تبادلہ خیال کیا اور جناب لیاقت بلوچ نے مولانا فضل الرحمٰن کو امیر جماعت اسلامی سینیٹر سراج الحق کا پیغام پہنچایا ۔
جمیعت علمائے اسلام کے قائد مولانا فضل الرحمٰن سے بات چیت کرتے ہوئے جماعت اسلامی کے راہنما لیاقت بلوچ نے حزب اختلاف کی جماعتوں کے مشاورتی اجلاس میں جماعت اسلامی کو شرکت کی دعوت پر مولانا فضل امرحمیٰن کا شکریہ ادا کرتے ہوئے کہاکہ حکومت کی نااہلی ، ناکامی روز روشن کی طرح عیاں ہو چکی ہے ۔ اسی طرح امت مسلمہ کے سب سے بڑے مسائل یعنی مسئلہ کشمیر و فلسطین پر حکومت کا کردار مایوس کن ہے ۔ انھوں نے کہا کہ انجینئرڈ انتخابات کے بعد عمران خان کی حکومت ہر محاذ پر ناکام ہے ۔ سیاسی آئینی اور پارلیمانی بحران شدت اختیار کرتا جارہاہے ۔ جماعت اسلامی کا مولانا فضل الرحمن اور اپوزیشن جماعتوں کی حکومت مخالف جدوجہد سے کوئی اختلاف نہیں ۔ مسلم لیگ اور پی پی نے گزشتہ عرصہ میں بدلتے اقدامات سے اپوزیشن کو ہی ضعف پہنچایا ہے ۔ جماعت اسلامی نے ماضی کے تجربات کی روشنی میں اپوزیشن کا صاف ستھرا کردا ر ادا کرنے کا فیصلہ کیاہے اور ہم میدان عمل میں ہیں ۔ اپوزیشن جماعتوں سے رابطہ برقرار رہے گا لیکن اس مرحلہ پر جماعت اسلامی اپوزیشن جماعتوں کے مشترکہ اجلاس میں شرکت نہیں کرے گی ۔ مولانا فضل الرحمن اور دیگر اپوزیشن رہنماﺅں سے قومی امور پر رابطہ اور تبادلہ خیال ہوتا رہے گا ۔
