آرمی چیف جنرل قمر جاوید باجوہ نے ٹڈی دل پر قابو پانے کی کوششوں کو سراہتے ہوئے کہا ہے کہ پاک فوج ٹڈی دل خاتمےکیلئےتمام دستیاب وسائل بروئےکار لائےگی۔
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمرجاویدباجوہ نے انسداد ٹڈی دل سینٹر کا دورہ کیا جہاں انجینئر ان چیف لیفٹیننٹ جنرل معظم اعجاز نے بریفنگ دی۔اس موقع پر آرمی چیف نےنیشنل ایکشن پلان کےتحت ٹڈی دل پر قابو پانےکی کوششوں کوسراہتے ہوئے کہا کہ پاک فوج ٹڈی دل کےخاتمےکیلئےتمام دستیاب وسائل بروئےکار لائے گی۔آرمی چیف نے کہا کہ سول انتظامیہ کےساتھ ٹڈی دل پر قابوپانےکیلئے بھرپور تعاون کیا جائے گا.
قومی فوڈسیکیورٹی کے تحفظ اور معیشت پر پڑنے والے اثرات کو قابو پانےکیلئے اقدامات کیےجائیں گے۔ نیشنل ڈیزاسٹر مینجمٹ اتھارٹی(این ڈی ایم اے) کا کہنا تھا کہ اس وقت ملک کے 52 اضلاع میں ٹڈی دل موجود ہےاور ٹڈیوں کے وار سے سب سے زیادہ بلوچستان متاثر ہوا ہے۔ترجمان این ڈی ایم اے کے مطابق بلوچستان کے 31، خیبرپختونخوا میں 10، پنجاب میں 5 اور سندھ میں 6 اضلاع ٹڈی دل سے متاثر ہیں، ٹڈیوں سے متاثرہ علاقوں کا سروے اور کنٹرول آپریشن جاری ہے۔ ملک میں 1102 ٹیمیں آپریشن میں حصہ لے رہی ہیں، 24گھنٹے میں 3لاکھ 63 ہزار ہیکٹر رقبے کا سروے ہوا، 4900 ہیکٹر رقبے کا ٹڈی مار ادویات سے ٹریٹمنٹ کیا گیا، بلوچستان میں 3200 ہیکٹر رقبہ پر اسپرے ہوچکا ہے ترجمان این ڈی ایم اے کا کہنا ہے کہ بلوچستان کے 31، خیبرپختونخوا میں 10، پنجاب میں 5 اور سندھ میں 6 اضلاع ٹڈی دل سے متاثر ہیں، ٹڈیوں سے متاثرہ علاقوں کا سروے اور کنٹرول آپریشن جاری ہے.
ترجمان این ڈی ایم اے کے مطابق پنجاب میں 200 ہیکٹر پراسپرے کیا گیا، خیبرپختونخوا میں 800ہیکٹر رقبے کی ٹریٹمنٹ کی گئی، سندھ میں گزشتہ روز 700 ہیکٹر رقبہ ٹریٹ کیا گیا جبکہ مزید اقدامات کا سلسلہ جاری ہے۔ملک میں جمموعی طور پر 4لاکھ 92 ہزار ہیکٹر رقبے پر اسپرے کا عمل مکمل کیا جاچکا ہے۔ بلوچستان کے مختلف شہروں میں ٹڈیوں نے تیارپھلوں پر حملہ کردیا جس سے سبی، لورلائی اور خضدار میں موجود تیار فصلیں تباہ ہورہی ہیں۔
