آج پاکستان کے مشہور صحافی، کالم نگار اور ڈرامہ نگار نصراللہ خان کا یوم پیدائش ہے۔ پاکستان کے مشہور صحافی، کالم نگار اور ڈرامہ نگار نصر اللہ خان 11 نومبر 1920ء کو جاورہ، مالوہ کے مقام پر پیدا ہوئے تھے۔ 1949ء سے 1953ء کے دوران انہوں نے ریڈیو پاکستان کراچی میں پروڈیوسر کے طور پر خدمات انجام دیں بعدازاں روزنامہ انقلاب لاہور، روزنامہ حریت کراچی اور روزنامہ جنگ کراچی سے وابستہ رہے جہاں ان کا کالم آداب عرض قارئین کے حلقے میں بڑے ذوق و شوق سے پڑھا جاتا تھا۔ نصر اللہ خان کی تصانیف میں کالموں کا مجموعہ بات سے بات، ڈرامہ لائٹ ہائوس کے محافظ، خاکوں کا مجموعہ کیا قافلہ جاتا ہے اور خود نوشت سوانح عمری اک شخص مجھی سا تھا شامل ہیں۔
نصراللہ خان کا انتقال 25 فروری 2002ء کو ہوا۔