تلخیص پارہ 20
زیرِ بحث خاص مضامین
* خالق کے مخلوق سے سوال و جواب
*مناظرِ قیامت
* قصہّ موسیٰؑ و فرعون
* ایمان اور آزمائش
* رات اور دن کی تبدیلی اللہ۔ کی رحمت ہے۔
* والدین کے ساتھ حسنِ سلوک
* ابتدائے خلق اور اعادہ خلق
* غیر اللہ کی سرپرستی مکڑی کے جالے کے گھر سے بھی کمزور
_________
عمومی احکامات و مسائل
1 ۔بھلا وہ کون ہے جس نے آسمانوں اور زمین کو پیدا کیا ؟
2 ۔ اور وہ کون ہے جس نے زمین کو جائے قرار بنایا۔ اور اس کے اندر دریا رواں کیے ؟
3 ۔ اور کون ہے جو بے قرار کی دعا سنتا ہے ۔جب کہ وہ اسے پکارے۔ اور کون اس کی تکلیف رفع کرتا ہے ؟
4 ۔ اور کون ہے جو تمہیں خشکی اور سمندر کی تاریکیوں میں رستہ دکھاتا ہے۔
5 ۔ اور وہ کون جو خلق کی ابتدا کرتا ہے اور پھر اس کا اعادہ کرتا ہے اور کون تم کو زمین میں سے رزق دیتا ہے؟
کیا اللہ کے سوا اور کوئی اور خدا بھی ہے؟
6 ۔ ان سے کہو اللہ کے سوا آسمان و زمین میں غیب کا علم کوئی نہیں رکھتا۔
7 ۔ اور کیا گذرے اس روز جب صور پھونکا جائے گا۔ اور ہول کھائیں گے وہ سب جو آسماں اور زمین میں ہیں ۔
8 ۔کہو اے نبی) ؐ مجھے تو یہی حکم دیا گیا ہے۔ کہ اس شہرِ (مکہ) کے رب کی بندگی کروں
9 ۔ مجھے تو حکم دیا گیا ہے کہ میں مسلم بن کر رہوں ۔اور قرآن پڑھ کر سناوں ۔
10 ۔ جب موسیٰؑ اپنی جوانی کو پہنچ گیا اور اس کی نشوونما مکمل ہو گئی۔ تو ہم نے اسے قلم اور علم عطا کیا۔ ہم نیک لوگوں کو ایسی ہی جزا دیتے ہیں
11۔ اے میرے رب میں نے اپنے نفس پر ظلم کر ڈالا۔ میری مغفرت فرما دے۔
12 ۔ پچھلی نسلوں کو ہلاک کرنے کے بعد ہم نے موسیٰؑ کو کتاب عطا کی۔
13 ۔ جن لوگوں کو اس سے پہلے ہم نے کتاب دی تھی وہ اس ( قرآن )پر ایمان لاتے ہیں
14۔ یہ وی لوگ ہیں جن کو دو بار اجر دیا جائے گا۔ اس ثابت قدمی کے بدلے جو انہوں نے دکھائی۔
15 ۔ کتنی ہی بستیاں ہم تباہ کر چکے جن کے لوگ اپنی معیشت پر اتراتے تھے۔
16 ۔ اے نبیؐ ان سے کہو کبھی تم نے غور کیا کہ اگر اللہ قیامت تک تم پر ہمیشہ کے لیئے رات طاری کر دیتا۔ تو اللہ کے سوا کون ہے جو تمہیں روشنی لادے۔ ؟
17 ۔ اُسی کی رحمت ہے کہ تمہارے لیئے رات اور دن بنائے تاکہ تم (رات میں) سکون حاصل کرو اور دن میں اپنے رب کا فضل تلاش کرو۔ شاید کہ تم شکر گزار بنو۔
18۔ وہ آخرت کا گھر ہم ان لوگوں کے لیئے ہے جو زمین میں اپنی بڑائی نہیں چاہتے۔ اور نہ فساد کرتے ہیں ۔
19۔ ہم نے انسان کو ہدایت کی کہ وہ اپنے والدین کے ساتھ حسنِ سلوک کرے۔
20۔ کیا ان لوگوں نے کبھی دیکھا نہیں ہے کہ کس طرح اللہ خلق کی ابتدا کرتا ہے اور اس کا اعادہ کرتا ہے؟ یقیناً یہ اعادہ ( دوبارہ لوٹانا) اللہ کے لیے آسان تر ہے۔
21 ۔ جن لوگوں نے اللہ کو چھوڑ کر دوسرے سرپرست بنا لیے ہیں ۔ ان کی مثال مکڑی جیسی یے جو اپنا گھر بناتی ہے ۔اور سب گھروں سے کمزور گھر مکڑی کا ہی ہوتا ہے۔
