زندگی ٹرین دے سفر آنگ پٹری تے نس دی جارہی اے۔ کدے کسے ٹیشن آتے رک جاندی اے جتھے چنگا لگدا اے۔ایہہ نوں خوش کرن والے پل ہوندے نیں کدے اجیہے ٹیشناں آتے وی بریک لاندی اے جتھے بندہ دکھی ہو جاندا اے۔
ایہہ گڈی اپنی رفتار تیز کردیندی مزہ تے بڑا آوندا لیکن اک اجیہے خوف وچ گھیر لیندی اے پئی کجھ بھیڑا ناں ہوجاوے۔ ایس سفر دے اتار چڑھا جس دے پلے پے جاندے نیں۔ اوہ سوکھا ریندا اوس نوں چکر گھٹ آوندے نیں۔ نئیں تاں اکثر مسافر ایس ٹرین تے سفر دی اوکڑاں دی شکایت ای کردے زندگی گزار دیندے نیں۔
یہ بھی پڑھئے:
مزاحمت اور علی اکبر عباس کی شاعری
سبھ توں چنگی گل ٹرین وچ ملن والے لوک ہوندے نیں جنہاں نال ویلا گزارنا ہوندا اے۔ کدے کدے دل نال میل کھان والے ادھے راہ وچ ٹرین توں لتھ جاندے اوہناں دی یاداں وی سفر دا حصہ بن جاندیاں نیں۔
کدے کدے اردگرد سبھ کوندے پر بندہ آپ نوں کلا محسوس کرن لگ پیندا۔ ایہہ سفر دا تکلیف دہ لمحہ ہوندا اے۔
گڈی جدوں خراب ہوندی تے بے ٹیمے رکن لگ پیندی اے۔ اوس ویلے صبر تے برداشت دا امتحان شروع ہوجاندا اے۔ نال دے مسافراں دی صلاحواں سن سن بندہ سوچیں ہے جاندا اے۔اوس دا من کردا اے۔ دروازے توں باہر چھال مار کے نکل جاواں۔ ایہہ آسان نئیں ہوندا سفر تے جاری رکھنا ہووے گا۔ بیت گئیاں گلاں نوں بوہتا یاد رکھن والیاں دا آون والا ویلا چنگا نئیں ہوندا۔ لیکن سبھ کجھ بھلھ جاؤنا وی دکھ والی گل اے۔ کجھ یاداں سانوں خوشیاں نوں پوٹلی وچ سانبھ لینا چاہیدا اے۔ وچھڑے بیلی اپنے توں دور گئے پیارے اوہناں نوں کدے پوٹلی کھول کے ویکھ لینا جیویں سفر دی تھکان مکا دیندا۔
کل ملا کے سفر بوہت کجھ دیندا اے۔ جے دکھ آو ندے تے سکھ وی کدے اگلے ٹینشن تے راہ پئے تک رہے ہوندے نیں۔ اوہ ساڈے چاہیوان خیر خواہ ہوندے جنہاں نوں اسیں بھل گئے ہوندے آں۔
خوش رہوو۔ تے ڈھیراں سکھ ویکھو۔ رب تہاڈی خیر کرے۔