ایک سوال سب کر رہے ہیں کہ جب پی ٹی آئی کے لوگ لاہور میں پاک فوج کے کور کمانڈر ہاوس میں داخل ہو رہے تھے تو ان کو روکا کیوں نہیں گیا. سوال کرنے والوں کی یادداشت پر ہنسی آتی ہے جب عمران خان نے اپنے 120 دن کے دھرنے کے دوران ptv پر دھاوا بولا تھا اور کچھ اسی قسم کی حرکتیں کی تھیں. اس دن بھی فوج سمجھا رہی تھی. انہوں نے طاقت کے جواب میں طاقت استعمال نہیں کی تھی کیونکہ یہ پاکستان کی فوج ہے جس نے کبھی بھی اپنے عوام پر گولی نہیں چلائی بلکہ تاریخ گواہ ہے کہ جب جب ہنگامے ہوئے چاہے کسی کا بھی دور حکومت ہو جب معاملات پولیس کے قابو سے باہر ہوتے تھے تو فوج کو طلب کیا جاتا تھا. عوام پاک فوج زندہ باد کا نعرہ لگا کر گھروں کو لوٹ جاتے تھے اور امن قائم ہو جاتا تھا. یہ ہے پاک فوج کی وہ عزت وقار اور عوام کے دلوں میں ان کا پیار جو انہیں ہمیشہ مقبول رکھتا ہے.
یہ بھی دیکھئے:
عمران: فوج پر حملہ ایک بار پھر جائز، کیا انصاف کو بھی سنائی دیا؟
پی ٹی آئی کے ٹکٹوں کی فروخت: ثاقب نثار کے بیٹے کو عدالت کا ریلیف
کپتان کی کہانی کیسے تمام ہوئی؟
پاکستانی فوج کو اپنے عوام سے دور کرنے کی بہت سازشیں ہوئیں مگر فوجی قیادت کی دانشمندی اور بردباری اور عوام کے دلوں میں ان کی محبت نے یہ موقع کبھی بھی نہیں آنے دیا. 9 مئی کو پاک فوج کے صبر کا سب سے بڑا امتحان تھا کئ ماہ سے لوگوں کے ذہن میں ان کے خلاف جو زہر بھرا گیا تھا اسکے اثر کو آزمانے کے لیے عوام اور ان میں شامل دہشتگردوں نے ملک کے کئی شہروں میں فوجی تنصیبات پر حملہ کیا۔ اپنوں نے دشمنوں کے ایجنڈے پر صرف اپنی انا اور ضد کو پورا کرنے کے لیئے عمل کیا مگر آفرین ہے پاک فوج پر کہ انہوں نے اپنے عوام پر گولیاں نہ چلانے کی روایت کو برقرار رکھا اور پاکستانیوں کے دل جیت لئے۔
پاکستان کی فوج ہماری آن ہماری شان اور ہماری جان ہے۔ ہمارے اور پورے عالم اسلام کے تحفظ کی ضمانت
اپنی جانوں کو پاکستان کے نام کرنے والوں کو سلام۔
ہمارے تمام شہدا کو سلام۔
ان تمام بچوں کو سلام جن کے والد نے جام شہادت نوش کیا اور وہ ہمیشہ کی جدائی کے رستے کے مسافر بن گئے۔
اس مقدس ماں کو سلام جس کے بیٹے نے جام شہادت نوش کیا اور پاکستان کی بقا کے لیئے میری اور آپ کی عزت کی حفاظت کے لئے اپنی جان قربان کر دی اپنے بچوں کو یتیم کر دیا اور اپنی بیوی کو بیوہ بنا دیا مگر پاکستان کی ہزاروں لاکھوں سہاگنوں کا سہاگ بچا لیا۔
میرے جوان میری فوج اسکے ہر رینک کا ایک ایک فرد ہمارے لیے مقدس ہے ہمارا پیار ہے۔ ہماری فوج کے لیئے غلیظ زبان استعمال کرنے اور تنصیبات پر حملہ کرنے والوں کو صرف ایک پیغام ہے کہ ہماری فوج پاکستان آرمی ہمارے دلوں کی دھڑکن ہے۔ ہماری عزت ہے ہماری آن ہے ہماری شان ہے۔
ہماری ماؤں اور ہماری بہنوں کے سر پر رہنے والے مقدس آنچل کا نام پاک فوج ہے جو ہاتھ اس آنچل کی طرف بڑھے وہ ہاتھ کاٹ دیئے جائیں گے۔ پاکستان کے عوام اپنی فوج کی دل سے عزت کرتے ہیں۔ وہ تمام لوگ جنہوں نے ہماری پاک آرمی کی تنصیبات پر حملہ کیا ہے ،ان کے لیئے صرف یہ پیغام ہے کہ فوج نے برداشت سے کام لیا ہے مگر اسکا مطلب یہ نہیں کہ آپ جو چاہے کریں اپنی زبانوں کو لگام دیں اپنے کرتوت ٹھیک کر لیں ورنہ پاکستان کے عوام اپنی فوج کی طرف سے آپ کو جواب دینا جانتے ہیں
خون دل دے کے نکھاریں گے رخ برگ گلاب
ہم نے گلشن کے تحفظ کی قسم کھائی ہے
