بھنگ اور چرس: حکومت نے اس کی کاشت کا فیصلہ کیوں کیا؟

بھنگ اور چرس پاکستان میں گمنام نہیں بلکہ بدنام ہیں، بھنگ گھوٹا جاتا ہے تو چرس پھونکی جاتی ہے مگر یہ صرف اسی کام کے نہیں بلکہ بہت کام کے ہیں۔ خیر مغرب میں تو حشیش یا چرس کو نہایت مہذب نشہ جانا جاتا ہے اور امریکہ کی کئی ریاستوں اور یورپ کے متعدد ملکوں میں اسے منشیات کے زمرے میں نہیں رکھا جاتا۔ بہرحال جناب معاملہ یہ ہے کہ جدید تحقیق کے مطابق بھنگ اور چرس نہایت کارامد ثابت ہوئی ہیں۔ بھنگ اور چرس سے متعلق کیا ایسی طبی تحقیق سامنے آئی ہے کہ دنیا بھر میں اسکی کنٹرولڈ پروڈکشن ہو رہی ہے،،، جب سے حکومت نے بھنگ کی کاشت کی اجازت دی ہے، ملک میں دھواں دھار بحث جاری ہے، کوئی حامی ہے تو کوئی شدید مخالف مگر معاملے کو جانے بوجھے بغیر، یہی ہماری روایت ہے۔ حکومت نے بھنگ کی کاشت کا فیصلہ کیوں کیا؟ کیا ضرور اور اہمیت ہے اسکی؟ آئیے سمجھنے کی کوشش کرتے ہیں.