کمپیوٹر کے بغیر زندگی مکمل نہیں اور کمپیوٹر کی زندگی الگورتھم کے بغیر ممکن نہیں ہے۔ مگر کیا ہم جانتے ہیں الگورتھم مسلم ریاضی داں الخوارزمی کی ایجاد ہے۔ الخوارزمی سلطنت عباسیہ کے دارالحکمہ میں اعلی درجے پر فائز، عظیم ریاضی داں، الجبرا کا خالق، ہندوستان سے ہندسے صفر یا زیرو کو حساب میں منظم شامل کرنے والا دانشور، ‘کتاب الحساب الہندی’، یا اسکا ترجمہ ‘ کنسرننگ دی ہندو آرٹ آف ریکننگ، آج بھی مغرب میں مقبول عام ہے۔ الخوارزمی کا نام جب 900 سال پہلے لاطینی میں ترجمہ کیا گیا تو ‘الگورتھمی’ ہوا اور انکے ایجاد کردہ نظام کا نام الگورتھم رکھا گیا۔ عام زبان میں یوں جانیں کہ الگورتھم درحقیقت کمپیوٹر پروگرامنگ میں لاشعور کا کام کرتا ہے۔ یہ حقیقت ہے کہ جدید ترین سپر کمپیوٹر ٹیکنالوجی بھی الخوارزمی کے الگورتھم کی بنیاد پر قائم ہے۔ صفر یا زیرو ہندوستان سے ہوتا عرب اور پھر مغرب کیسے پہنچا، کمپیوٹر کی ابتدائی اشکال کیا تھیں، دنیا کا پہلا کمپیوٹر کب ایجاد ہوا اور کیسا تھا۔ لیپ ٹاپ ہو یا موبائل فون، ہم ہر وقت کمپیوٹر استعمال کرتے ہیں مگر یہ سفر کیسا رہا، بڑی دلچسپ کہانی ہے کمپیوٹر کی،،، دیکھتے ہیں تحقیقی ڈاکومنٹری ‘ہندسوں کا جال، الخوارزمی کا کمال’
About Post Author
