خیال ایک پرندہ ہے اور حساب سے انسان بھی جو خیال کے ساتھ پروز کرتا ہے تو دور کی خبر لاتا ہے۔ نئی دنیائیں تسخیر کرتا ہے، انسانیت کی فلاح اور بہتری کے لیے نئی ایجادات کرتا ہے اور بالآخر ایک روز اس دنیا سے کوچ کرجاتا ہے۔ اللہ نے اس پرواز کی صلاحیت عطا تو سب کو کررکھی ہوتی ہے لیکن استعنال اسے کوئی کوئی کرتا ہے۔ کسی انسان میں یہ قدرت اس کی ذاتی اپچ، ماحول اور اس کی تربیت اور تعلیم سے حاصل ہوتی ہے۔ اکرم دوست بلوچ کا یہ فن پارہ انسان کی اسی خوبی کی تصویری تفیسر پیش کرتا ہے۔
اس بے نظیر پینٹنگ کا ایک اور پہلو پاکستان اور بالخصوص بلوچستان کو صدیوں قدیم آرٹ بھی ہے جس کا اظہار قالین سمیت نمائش کے دیگر میڈیمز پر کیا جاتا رہا ہے۔ یہ پینٹنگ اپنی نوعیت کے اعتبار سے ایک قالین ہی کو پیش کرتی ہے۔ اس سے بلوچستان کی تہذیب اور یہاں کے لوگوں کی خلاقی اور فکری گہرائی کا بھی اندازہ ہوتا ہے اس خطے کے عظیم مستقبل کی پیشین گوئی کی حیثیت بھی رکھتا ہے جسے ہم عظیم اقتصادی راہداری سے تعبیر کرسکتے ہیں جو صرف بلوچستان ہی نہیں پورے پاکستان کی قسمت کو تبدیل کرنے کی صلاحیت رکھتی ہے۔ میری نظر میں یہ پینٹنگ ایک عظیم مستقبل کی طرف پاکستان کے مستقبل کی نشان دہی کی حیثیت رکھتی ہے۔
بلوچستان کی سرزمین سے اٹھنے والے ہمارے دوست اکرم دوست نے اپنے فن سے پوری دنیا کو ششدر کردیا ہے۔ ان کی پینٹنگز میں بلوچستان کالینڈ اسکیپ، خطے کا مزاج اور شخصیت سب کچھ جھلکتا ہے ۔تخلیق وہی ہے، ہر دور اور ہر ماحول میں اس کی معنویت برقرار رہے۔ اکرم دوست بلوچ کی کا فن تخلیق کی اس تعریف پر پورا اترتا ہے۔
ادارہ” آوازہ” وطن عزیز کے ممتاز مصور اکرم دوست بلوچ کی یہ پینٹنگ ان کے شکریے کے ساتھ یہاں پیش کررہا ہے
