آج پاکستان کے نامور ہدایت کار لقمان کی برسی منائی جارہی ہے ۔ لقمان 1924ءکے لگ بھگ دہلی میں پیدا ہوئے تھے۔ انہوں نے شوکت حسین رضوی سے تدوین کاری اور ہدایت کاری کے اسرار و رموز سیکھے اور قیام پاکستان سے پہلے ایک فلم ہم جولی کی ہدایات دیں۔
یہ بھی دیکھئے:
قیام پاکستان کے بعد لقمان، لاہور میں اقامت پذیر ہوئے اور ایک فلم شاہدہ کی ہدایات دیں۔ یہ وہی فلم ہے جس کے بارے میں لقمان کا دعویٰ تھا کہ یہ پہلی فلم تھی جو مکمل طور پر قیام پاکستان کے بعد تیار ہوئی۔ شاہدہ کامیاب نہیں ہوسکی جس کے بعد لقمان نے کئی برس بڑے مشکل حالات کا سامنا کیا۔
یہ بھی پڑھئے:
عمران خان ایمرجنسی کیوں لگانا چاہتے ہیں، تین اہم وجوہات
بائیس جنوری: آج اردو کے معروف شاعر رضی اختر شوق کی برسی ہے
اس کے بعد ان کی اگلی فلم محبوبہ بھی ناکامی سے دوچار ہوئی۔ مگر 1955ءمیں بننے والی فلم پتن نے ان پر کامیابی کے دروازے کھول دیئے۔ لقمان کی دیگر فلموں میں لخت جگر، آدمی، ایاز، فرشتہ، محل، افسانہ، اک پردیسی اک مٹیار، پاکیزہ، دنیا نہ مانے، پرچھائیں اور وفا کے نام سرفہرست ہیں۔
لقمان 23 جنوری 1994ءکو لاہور میں وفات پاگئے اور لاہور ہی میں مسلم ٹاﺅن کے قبرستان میں آسودہ خاک ہوئے۔