مضامین پارہ 7:* قسموں کا کفارہ *شراب و جوا اور پانسے حرام * خود احتسابی *وصیت کے احکام *معجزاتِ حضرت عیسیؑ * صفات و اختیاراتِ باری تعالیٰ
خاص مضامین
* قسموں کا کفارہ
*شراب و جوا اور پانسے حرام
* خود احتسابی
*وصیت کے احکام
*معجزاتِ حضرت عیسیؑ
* صفات و اختیاراتِ باری تعالیٰ
( عمومی احکامات )
1, جب وہ اس کلام کو سنتے ہیں جو رسولؐ پر اترا ہے تو تم دیکھتے ھو کہ حق شناسی کے اثر سے ان کی آنکھیں آنسووں سے تر ھو جاتی ہیں ۔
2. اے لوگو جو ایمان لائے ھو ، جو پاک چیزیں اللہ نے تمھارے لئیے حلال کی ہیں انہیں حرام نہ کر لو اور حد سے تجاوز نہ کرو ۔ اللہ کو ذیادتی کرنے والے سخت نا پسند ہیں ۔
3. تم لوگ جو مہمل قسمیں کھالیتے ھو ان پر اللہ کی گرفت نہیں کرتا مگر جو قسمیں تم جان بوجھ کر کھاتے ھو اُن پر وہ تم سے ضرور مواخذہ کرے گا۔ کفارہ یہ ہے کہ دس مسکینوں کو وہ اوسط درجے کا کھانا کھلاو جو تم اپنے بچوں کو کھلاتے ھو، یا انہیں کپڑے پہناو یا یک غلام آذاد کرو اور جو اس کی استطاعت نہ رکھتا ہو وہ تین دن کے روزے رکھے۔ اپنی قسموں کی حفاظت کیا کرو۔
4. اے لوگو جو ایمان لائے ھو یہ شراب اور جوا اور یہ آستانے اور پانسے اور یہ سب گندے شیطانی کام ہیں ان سے پرہیز کرو اُمید ھے کہ تمھیں فلاح نصیب ھو گی۔
5. جو لوگ ایمان لائے اور۔نیک عمل کرنے لگے انہوں نے پہلے جو کچھ کھایا پیا تھا اس پر کوئی گرفت نہیں ھو گی۔ بشرطیکہ کہ وہ آئندہ اُن چیزوں سے بچے رہیں جو حرام کی گیئی ۔ اور ایمان پر ثابت قدم رہیں اور اچھے کام کریں ۔
6. تمھارے لیئے سمندر کا شکار اور اس کھانا حلال کر دیا گیا۔
7. رسولؐ پر تو صرف پیغام پہنچا دینے کی ذمہ داری ھے آگے تمھارے کھلے اور چھپے سب حالات کا جاننے والا اللہ ہے۔
8. اے لوگو جو ایمان لائے ھو اپنی فکر کرو کسی دوسرے کی گمراہی سے تمہارا کچھ نہیں بگڑتا
9. اے لوگو جو ایمان لائے ہو تم سے کسی کی موت کا وقت آ جائے اور وہ وصیت کر رہا ھو تو اس کے لیئے شہادت کا نصاب یہ ہے کہ تمہاری جماعت میں سے دو صاحبِ عدل آدمی گواہ بنا بنائے جائیں ۔
10. اے مریم کے بیٹے عیسیؑ یاد کر میری اس نعمت کو جو تجھے اور تیری ماں کو عطا کی تھی۔ میں نے روح پاک سے تیری مدد کی ۔
تو گہوارے میں لوگوں سے بات کرتا تھا۔
میں نے تجھ کو کتاب اور حکمت ، تورات اور انجیل کی تعلیم دی۔
تو میرے حکم سے مٹی کا پتلا پرندے کی شکل کا بناتا اور اس میں پھونکتا تھا اور وہ میرے حکم سے پرندہ بن جاتا تھا ۔
تو مادر زاد اندھے اور کوڑھی کو میرے حکم سے اچھا کرتا تھا ۔
تو مردوں کو میرے حکم سے نکالتا تھا۔
11. زمین اور آسمانوں اور تمام موجودات کی بادشاہی اللہ کے لیئے ھے اور وہ ھر چیز پر قدرت رکھتا ھے۔
12. رات کے اندھیرے اور دن کے اُجالے میں جو کچھ ٹھیرا ہوا ہے سب اللہ کا ہے وہ سب کچھ جانتا ھے۔
13. اس خدا کو چھوڑ کر جو زمین و آسمان کس خالق ہے اور جو روزی دیتا ہے لیتا نہیں ہے
14. اس دن جو سزا سے بچ گیا اس پر اللہ نے بڑا ہی رحم کیا اور یہی نمایاں کامیابی ہے۔
15.نقصان میں پڑ گئیے وی لوگ جنہوں نے اللہ سے اپنی ملاقات کی اطلاع کو جھوٹ قرار دیا ۔
16. حقیت میں آخرت ہی کا مقام ان لوگوں کے لیئے بہتر ہے جو زیاں کاری سے بچنا چاہتے ہیں ۔
17. مگر جو لوگ ہماری نشانیوں کو جھٹلاتے ہیں وہ بہرے اور گونگے ہیں ، تاریکیوں میں پڑے ھوئے ہیں ۔اللہ جسے چاہتا ھے بھٹکا دیتا ھے۔ اور جسے چاہتا ہے سیدھے رستے پر لگا دیتا ہے۔۔.
18. اے نبی ان سے کہو کہ کبھی تم نے سوچا ہے کہ اگر اللہ تمھاری بینائی اور سماعت تم سے چھین لے اور تمارے دلوں پر مہر کر دے۔تو اللہ کے سوا کون سا خدا ہے جو یہ قوتیں تمھیں وسپس دلا سکتا ہے؟
19. اے نبیؐ ان سے کہو میں تم سے یہ نہیں کہتا کہ میرے پاس اللہ کر خزانے ہیں اور نہ میں غیب کا علم رکھتا ہوں اور نہ یہ کہتا ہوں کہ میں فرشتہ ہوں ۔
20. بحر و بر میں جو کچھ ہے سب سے وہ واقف ہے۔
درخت سے گرنے والا کوئی پتہ ایسا نہیں جس کا اسے علم نہ ھو۔ زمین کا کوئی دانہ ایسا نہیں جس سے وہ با خبر نہ ھو ۔ خشک و تر سب ایک کھلی کتاب میں لکھا ہوا ہے۔
21. دانے اور گٹھلی کو ہھاڑنے والا اللہ ہے۔ وہی زندہ کو مردہ سے نکالتا ہے۔ وہی مردہ کو زندہ سے خارج کرنے والا ہے یہ سارے کام کرنے والا اللہ ہے تو پھر تم کدھر بہکے چلے جا رہے ہو۔
22. وھی پردہ شب کو چاک کر کے صبح نکالتا ہے اسی نے رات کو سکون کا وقت بنایا ہے اسی نے چاند اور سورج کے طلوع اور غروب کا حساب مقرر کیا ہے۔