جمہوریہ پرتگال کے شاہی کتب خانے کو دنیا کی خوبصورت ترین مطالعہ گاہ اور لائبریری تصور کیا جاتا ہے۔ یہ کتب خانہ ریو ڈی جنیرو میں واقع ہے۔ علمی حلقوں میں یہ جگہ رائل پرتگیز ریڈنگ روم کے نام سے معروف ہے۔ معروف عالمی جریدے ٹائم کے مطابق کتابوں کا یہ خزانہ وسط شہر میں واقع ہے اور دیکھنے کی جگہ ہے۔ یہ ایک مستور حسن ہے جسے دیکھنے کے لیے انسان جیسے ہی اندر قدم رکھتا ہے، مبہوت ہو کر رہ جاتا ہے۔
یہ بھی پڑھئے:
پانچ دسمبر: آج شاعر آخر الزماں حضرت جوش ملیح آبادی کا یوم ولات ہے
چار دسمبر: بانی تکبیر محمد صلاح الدین کا یوم شہادت
ٹائم کے مطابق عمارت کے بیرونی سادہ منظر نے لائبریری کی اصل خوبصورتی کو چھپا رکھا ہے۔ اس عمارت کے بیرونی منظر کو نظر انداز کیا جاسکتا ہے۔ لیکن جب کوئی سیاح عمارت کی روائتی سادگی کو نظر انداز کر کے لائبریری کے اندر داخل ہوتا ہے تو اس کے حسن کو دیکھ کر مبہوت رہ جاتا ہے۔
لائبریری کی آرائش پرتگال کی روائتی تاریخی ثقافت کی آئینہ دار ہے۔ اس لائبریری کی داغ بیل 1837ء میں پڑی جب عمارت کی تعمیر کاآغاز 1880ء میں ہوا۔ یہ عمارت پرتگال کے ممتاز معمار رافیل ڈی سلوا نے کی۔
اس لائبریری کا بنیادی خیال 43 پرتگالی تارکین وطن نے پیش کیا تھا۔ یہ لوگ چاہتے تھے کہ برازیل میں مقیم پرتگالی باشندوں کو پرتگالی ثقافت اور لٹریچر سے منسلک رکھا جائے۔
لائبریری میں ساڑھے تین لاکھ سے زائد پرتگالی اور غیر زبانوں کی کتب موجود ہیں۔ دلچسپ امر یہ ہے کہ اس لائبریری کو پرتگال سے اب بھی ہر سال چھ ہزار سے زائد کتب وصول ہوتی ہیں۔
لائبریری میں پانچ سو برس تک قدیم نادر کتب موجود ہیں۔ یہ مطالعہ گاہ پرتگالی کالونی کی ثقافت اور لٹریچر کے تحفظ کا اہم فریضہ بھی انجام دے رہی ہے۔
یہ قدیم عمارت اپنے تاریخی حسن کے علاوہ پرتگالی تہذیب کا نادر نمونہ ہے جس کی سیر کسی بھی سیاح یادوں میں قیمتی سرمایے کی حیثیت رکھتی ہے۔