29 نومبر 2021 ء بروز پیر 02:30 بجےکو ڈاکٹر محمد رفیع الدین مرحوم کی 52 ویں برسی کے موقع پر مجلس فکر و دانش علمی و فکری مکالمے کے زیر اہتمام ایک بین الاقوامی ڈائیلاگ ہوگا۔ تقریب کے انعقاد الحمد یونیورسٹی اور اقبالستان موومنٹ یوکے بھی تعاون کر رہی ہے۔
مجلس فکر و دانش علمی و فکری مکالمے کے سربراہ عبدالمتین اخونزادہ نے ڈاکٹر محمد رفیع الدین مرحوم کی طویل خدمات خراج تحسین پیش کرنے کے لیے ان کوششوں کی تعریف کی ہے۔ انھوں نے بتایا کہ اس سیمنار و ڈائیلاگ میں ڈاکٹر صاحب محترم کے نظریات و افکار کا تحقیقی جائزہ لینے کی کوشش کی جائی گی۔ انھوں نے اہل علم و ادب ڈائیلاگ میں شرکت کی دعوت دی ہے۔
یہ بھی پڑھئے:
اٹھائس نومبر: اردو کی ممتاز ناول نگار بانو قدسیہ کا آج یوم ولادت ہے
خواجہ معین الدین ، عہد، فن اور شخصیت: ایک یادگار تقریب
پاکستان ٹیلی ویژن کا قیام جب تفریح عیاشی قرار پائی ایوبی آمریت کا استحکام مقصد
واضح رہے کہ نامور مسلم اسکالر اور ماھر قرآنیات و اقبالیات ڈاکٹر محمد رفیع الدین مرحوم 24 جولائی 1901ء کو سرینگر کشمیر میں پیدا ہوئے۔ انھوں نے بھرپور علمی و فکری زندگی گزاری۔ وہ 29 نومبر 1969ء کراچی میں ایک ٹریفک حادثہ میں رب العالمین کے ہاں حاضر ہوگئے۔ ڈاکٹر صاحب کی ساری زندگی علمی و ادبی اداروں کی خدمت، قران کریم کے فکری و نظریاتی بنیادوں پر استوار سائنسی بیانیے کی تشکیل و تعبیر نو اور فکر اقبال کے ساتھ تعلیم و تدریس میں بسر ہوئی۔
ڈائیلاگ میں ممتاز شاعر احمد جاوید، مولانا زاہد الراشدی، ڈاکٹر اکرام الحق یٰسین، سلمان آصف صدیقی سید عزیز الرحمٰن اور ڈاکٹر فخت الرحمٰن خطاب کر رہے ہیں۔ اس موقع پر عبدالکریم ثاقب، پروفیسر مسرور احمد صدیقی، پروفیسر غازی علم الدین، ڈاکٹر مظہر معین ڈاکٹر آصف اعوان شیر احمد قمبرانی بھی اظہار خیال کریں گے۔ ڈائیلاگ کے پریس ریلیز کے مطابق منیر احمد بادینی ، علامہ سید ہاشم موسوی، سید ندیم شاہ، محمد حیات کاکڑ ، سلطان احمد شاہوانی اور ڈاکتر لعل محمد کاکڑ مقالے پیش کریں گے۔ پروفیسر عبدالعؤف صدیقی، حافظ حسین احمد شرودی صاحبزادہ محب اللہ آغا اور دیگر دانشوروں کی آمد بھی متوقع ہے۔