پاکستان سپر لیگ ٹرافی کی فیصلہ کن جنگ طویل انتظار کے بعد اختتام کی طرف بڑھ رہی ہے پہلے کوالیفائر میں اعصاب شکن مقابلے کے بعد کراچی کنگز نے سپر اوور میں ملتان سلطانز کو شکست دے دی۔اس سے قبل مقررہ اوورز میں دونوں ٹیموں نے ایک سو اکتالیس ایک سو اکتالیس رنز بنائے ۔معاملہ سپر اوور تک پہنچا تو کراچی کنگز نے تیرہ رنز جڑدیے۔جواب میں ملتان سلطانز نو رنز پہ ہی ڈھیر ہوگئے اس بڑی کامیابی کے بعد کراچی کنگز سیدھی فائنل میں پہنچ گئی ہے۔
ملتان سلطانز کو اگرچہ شکست ہوئی ہے مگر قسمت نے انہیں ایک اور موقع دیا ہے۔انہیں لاہور قلندرز اور پشاور زلمی کے درمیان میچ کی فاتح ٹیم سے مقابلہ کرنا ہوگا۔
منگل کو روشنیوں کے شہر میں کراچی میں ٹرافی کی فیصلہ کن جنگ میں کراچی کنگز کا سامنا جو بھی ٹیم کرے گی اسے بابر اعظم کو جلد قابو کرنا ہوگا جنہوں نے آج بھی پینسٹھ رنز کی شاندار اننگز کھیل کر میچ میں مرکزی کردار ادا کیا